AUGUST 25, 2023Laascanood (Radio Markabley ) Ciidanka SSC ayaa la wareegay taliskii ciidamada Somaliland ee Goojacadde ka dib dagaal ka dhacay duleedka magaalada Laascaanood.
Waxaa baraha bulshada la soo geliyey muuqaalo iyo sawiro muujinaya ciidamada SSC oo dhex socda xarunta taliskii ciidamada Somaliland ee Goojacadde.
Ciidamadii Somaliland ayaa si halhaleel ah uga baxsadey taliskooda, waxaana ay meesha uga tageen hub, rasaas, gawaari, cunto iyo qalabka kale ee ciidamada.
Dabaaldagyo ayaa ka bilowday gudaha magaalada Laascaanood kuwaasoo loogu dabaaldagayo qabsashada Goojacadde ee SSC.
Goojacadde ayaa ahaa saldhigii ugu waynaa ee Somaliland ku lahaayeen aagga Laascaanood, sidoo kalena waxa uu ciidamada Somaliland u ahaa xarun caafimaad oo weyn oo lagu dabiibo dhaawacyada.
Muddooyinkii u dambeeyay xaaladda Laascaanood ayaa ahayd mid kacsan, waxaana ay dagaallo ku dhexmarayeen ciidamada Somaliland iyo kuwa dadka deegaanka ee SSC.
Ciidamada Somaliland oo sanadahii ugu dambeeyey Dadka degan Gobolka Sool dhibaato ku hayey ayaa hadda garwaaqsadey inay jabeen
