Waxaa Maanta dowladda Jabuuti ay Magaalada Muqdisho soo gaarsiisay Dhaqaatiir iyo deeq dawo ah oo loogu talo galay gurmadka dadkii ay wayeelada kasoo gaartay qaraxyadii is xig xigay ee 29-kii Bishii hore ka dhacay Magaalada Muqdisho, kuwaas oo geystay khasaaro dhimasho iyo dhaawac ah.
Wafdiga waxaa hoggaaminaya wasiirka waxbarashada Jabuuti ahna siihayaha xilka wasiirka Caafimaafka Mustaf Maxamed Maxamuud, waxaana garoonka diyaaradaha Muqdisho kusoo dhaweeyay Xubnaha Guddiga Gurmadka Qaraxii 29 October ee uu magacaabey Ra’iisul Wasaaraha Xukuumadda Federaalka Soomaaliya.
