Maxkamada derajada koowaad ee Ciidamada Qalabka sida ayaa maanta xukun dil ah ku riday Askari Ka tirsanaa ciidamada xoogga oo wiil dhalinyaro ah Ku dilay degmada Hodan ee gobolka Banaadir.
Saddex Xidigle Liibaan Cabdi Faarax ayaa loo haystay dilka Allaha Unaxariiste Marxuum Maxamed Daahir Siyaad, dilkaasi oo ka dhacay degmada Hodan 10-kii December 2019.
Kadib dilka Marxuumka Sedax Xarigle Liibaan Cabdi Faarax waxa uu u baxsaday gobalka Galgaduud.
Intaas kadib Xafiiska Xeer Ilaalinta Ciidamada Qalabka Sida ayaa ka dalbaday Taliska NISA qaybta Galmudug in ay sharciga hor keenaan Sedax Xarigle Xoogga Dalka Liibaan Cabdi Faarax.
Ugu dambeyn Maxkamadd ayaa go’aan ka soo saartay maanta, waxa ayna ku xukuntay Liibaan Cabdi Faarax dil toogasha ah oo ah Magta Marxuum Maxamed Daahir Siyaad, sida uu u sheegay dhinacyada dacwadda Gaashaanle Sare Xasan Cali Nuur Shuute, guddoomiyaha Maxkamadda darajada koowaad ee Ciidamada Qalabka Sida.
Xukunsanaha ayaa haysta fursad kale oo uu ku dalban karo Rafcaan muddo ku siman 30-cisho xukunka kadib.
