Faah-faahin qarax caawa ka dhacay Muqdisho

11

Ugu yaraan shan ruux ayaa dhimatay oo uu ku jiro ilmo yar, halka afar kalena ay dhaawacmeen, kadib qarax caawa ka dhacay magaalada Muqdisho.

Taliska Booliiska oo faah-faahin ka bixiyay qaraxa ayaa sheegay in ruux isku soo xiray waxyaabaha qaraxa uu isku qarxiyay maqaayad shaaxa lagu cabo oo ku taal xaafadda Shanta-geed degmada Shangaani ee gobolka Banaadir.

Kooxaha gargaarka deg-degga oo gaaray goobta uu qaraxa ka dhacay, ayaa xarruumaha caafimaadka geeyay dadka qaraxa ku dhaawacmay.

Goobjoogayaal ayaa idaacadda Kulmiye u sheegay in xilliga uu qaraxa dhacayay ay barxadda Makhaayada ku sugnaayeen dad u badnaa dhinyaro, oo xilligaasi ku fiidsanayay.

Ma jirto weli cid sheegatay mas’uuliyadda qaraxa, balse weerarada nuucaan ah waxaa Muqdisho ka fuliya dagaalamayaasha Al-Shabaab.