Magaalada Garoowe ee Caasimadda Puntland waxaa Maanta lagu soo geba-gabeeyay shirka Madasha aragti Wadaaga ee Machadka Heritage, kaas oo socday muddo Saddex Cisho ah.
Shirka ayaa waxaa ka qeyb-galay Ra’iisul Wasaare kuxigeenka dalka, guddoomiyeyaasha labada Aqal, Saddex kamid ah Madaxda Dowlad Goboleedyada, xubno kamid ah Midowga Musharixiinta, Urrurada Bulshada rayidka & xubno kale.
Madasha oo ay ka qeyb-galeen in ka badan 700 oo ruux ayaa waxaa looga hadlayay arrimaha doorashooyinka dalka, amniga, dhameystirka Dastuurka dalka & qabashada doorasho qof & cod ah marka la gaaro sanadka 2025 & yagleelida dowlad Shaqeysa, waxaana laga soo saaray warmurtiyeed ka kooban Shan qodob.
