Dowladda Vietnam oo ka hadashay Khilaafka Madaxweyne Farmaajo iyo Ra’iisul Wasaare Rooble ayaa ugu baaqday dhinacyada ku lugta leh arrimaha Soomaaliya inay xalliyaan khilaafaadka oo ay wax walba ka hormariyaan danaha qaranka si ay u xalliyaan xiisadda siyaasadeed ee taagan, ayuu yiri Danjire Pham Hai Anh, Ku -xigeenka Wakiilka Joogtada ah ee Vietnam ee Qaramada Midoobay.
Danjire Pham Hai Anh oo hadal ka jeediyay kulanka Golaha Ammaanka ee Qaramada Midoobay oo looga hadlayay xaaladda Soomaaliya ayaa tilmaamay in dhinacyada ku lugta leh Soomaaliya looga baahan yahay inay helaan siyaabo lagu xallinayo khilaafaadka.
Intaa wuxuu ku daray in madaxda looga baahan yahay inay dhisaan kalsoonida shacabka oo xoogga la saaro doorashada iyadoo la si waafaqsan heshiiskii la gaaray 27 -kii May.
Sidoo kale Wuxuu xusay inuu taageersan yahay doorka iyo tabarucaadka ururrada gobolka, oo ay ku jiraan Midowga Afrika (AU) iyo Urur Goboleedka IGAD (IGAD) si loo xalliyo arrimaha siyaasadeed ee khuseeya.
