Wasiirrada arimaha dibbada ee dowladaha jaamacadda Carabta ayaa waxay ka digeen biyo xireenka halka dhinac ee ay dowladda Itoobiya ka waddo webiga Niil.
Bayaan ay soo saareen wasiiradan, kuwaas oo shir ku yeeshay magaalada Qaahira, ayaa waxay ku sheegeen, in biyo xireenka Ethiopia uu khatar weyn ku yahay ku-tiirsanaanta Masar ee biyaha webiga Niil
Jaamacadda Carabtu waxay ballan qaaday inay sii wadi doonto inay la xiriirto dhammaan dhinacyada gobolka iyo kuwa caalamiga ah si ay u taageeraan geeddi-socodka nabadda iyo xuquuqda dadka Falastiiniyiinta.
Si kastaba ha ahaatee, Masar ayaa doonaysa inay dalalka Carabta ku qanciso Itoobiya inay aqbasho heshiis sharci ah oo ku saabsan buuxinta biyo xidheenka webiga Niil.
Dowladda Itoobiya ayaa biyo-xireen ka dhisaya webiga Niil, taasoo Masar ay ka cabsi qabto inay hoos u dhigto saamiga muhiimka ah ee ay ku leedahay biyaha wabiga.
Isagoo ka hadlayay shirka Jaamacadda Carabta ee Qaahira, Wasiirka Arrimaha Dibadda ee Masar Sameh Shoukry, ayaa sheegay inuu doonayo in dalalka Carabta ay ku cadaadiyaan Itoobiya inay aqbasho mid ka mid ah xalalka tanaasulka ah ee lagu soo bandhigay miiska wada xaajoodka arrintan.
