Ciidamada xoogga ayaa maanta howlgal qorsheysan waxaa ay ka fuliyeen deegaano hoostaga Janaale ee gobolka Shabeellada Hoose.
Howlgalka ayaa la sheegay in lagu dilay xubno ka tirsan Al-shabaab, sida ay baahisay warbaahinta ku hadasha afka ciidamada qalabka sida.
“Howgal lagu laayey maleeshiyaad ka tirsan Kooxda Alshabaab ayaa maanta ka dhacay deegaano hoos-yimaada Janaale ee gobalka shabellaha hoose sida ay kusoo warameen Saraakiisha Militariga janaale”ayaa lagu yiri qoraal lagu daabacay SNA.
Saraakiil ka tirsan ciidanka xoogga ayaa sheegay in ku dhawaad 5 dagaalame oo ka tirsan Al-shabaab lagu dilay howlgalka,halka tiro intaasi ka badana ay ku dhaawacmeen.
