–Guddiga Xalinta Khilaafaadka doorashooyinka ayaa maanta soo saaray jawaab in mudaa laga sugaayay oo ku aadanaa dacwo ay hore u sheegeen in ay kaga timid mid ka mid ah labadii kursi ee dhawaan doorashadoodu Aqalka Hoose ka dhacday muqdisho ee Gobolada waqooyi(Somaliland) kaas oo uu ku tartamayay Ra’iisulWasaare Ku-xigeenka dalka Mahadi Guuleed.
Guddiga Xallinta ayaa shaaciyay In Hanaanka loo maamuley doorashada Kursiga HOP #239 uu yahay mid sax ah oo waafaqsan Habraacii loo dajiyay Doorashooyinka dadban 2020/2021, sidaas darteedna ay ku wargalinayaan Guddiga Hirgelinta Doorashooyinka Her Federal (GHDHF) in ay u fasaxan yihiin ku dhawaaqista natiijada kursiga Hop #239.
