Dagaal culus oo dhexeeya ciidamada xoogga oo kaashaanaya daraawiishta Galmudug iyo dagaalameyaasha Al-shabaab ayaa hada waxaa uu ka socdaa gudaha deegaanka Camaara ee gobolka Mudug.
Goobjoogayaal ayaa sheegaya in ciidamada huwanta ah ay weerar ku qaadeen xubno ka tirsan Al-shabaab oo ku sugnaa deegaanka Camaara.
Wararka ayaa intaasi ku daraya in haatan la maqlayo dhawaqa rasaasta iyo madaafiicda la isku adeegsanayo dagaalka.
Ilaa iyo hadda lama oga khasaaraha rasmiga ah ee ka dhashay dagaalka, maadaama uu weli socda dagaalka.
