Taliyaha ayaa intaas ku daray in baaritaan horudhac ah oo la sameeyay lagu ogaaday in nabadoonka si gaar ah loo beegsaday, isagoo xusay in qeyb kamid ah jirkiisa laga helay goobta duqaynta.
Sidoo kale, Gaashaanle Sare Aadan Axmed Cali wuxuu caddeeyay in marka baaritaanka la soo gabagabeeyo ay bulshada la wadaagi doonaan sababta dilka nabadoonka iyo cidda ka dambeysay falkan.
Wuxuu tilmaamay in nabadoon Cabdullaahi uu ka tirsanaa guddi ku howlanaa horumarinta gobolka Sanaag, kuwaas oo dhawaan kulan magaalada Boosaaso kula yeeshay madaxweynaha Puntland.
Taliyaha ayaa ugu baaqay shacabka gobolka Sanaag inay is dajiyaan oo ay sugaan natiijada baaritaanka, isagoo carrabka ku adkeeyay in Puntland si dhab ah uga go’an tahay in la helo xaqiiqda dhacdadan.
