Dowladda Federaalka Soomaaliya (DFS) ayaa haatan ku jirta bartamaha sanadkii afaraad ee muddo xileedkeeda dastuuriga ah, waxaana uga harsan xilka qiyaastii 8 bilood, xilli ay bilaabmeen doodaha adag ee la xiriira doorashooyinka iyo wax-ka-bedelka dastuurka.
Doodahan ayaa ah kuwo ay si weyn uga qayb qaadanayaan dhinacyada siyaasadda ee saamileyda, kuwaasoo doonaya in heshiis siyaasadeed laga gaaro arrimaha muhiimka ah ee horyaalla dalka. DFS ayaa horay u qaaday tallaabooyin la xiriira dib-u-eegista dastuurka iyo qorsheyaasha doorashada, inkasta oo weli khilaafyo ay jiraan.
Kadib fashilkaasi, toddobaadkii hore ayaa qaar kamid ah mucaaradka jeediyeen qudbado kulul, iyagoo fariin cad oo toos ah u diray madaxda DFS, una muujiyay in ay jiraan walaac weyn oo ku saabsan jihada siyaasadeed ee dalka.
Madaxda Dowladda Federaalka, oo ka jawaabayay eedeymaha mucaaradka, ayaa dhankooda qaaday weerar afka ah oo si adag uga falceliyay hadallada mucaaradka, taasoo sii hurisay xiisadda siyaasadeed.
