Magaalada Kismaayo maanta waxaa ka socda qaadashada shahaadada musharxnimo ee xilka madaxweynaha Jubaland qaybta taageersan doorashada Jubaland, ilaa hadda waxaa shahaadada qaatay Dr Cabdi Xassan Xajiin oo ah musharaxa Madaxweynaha Jubaland oo la tartami doona madaxweyne Axmed Madoobe.
Dhinaca kale waxaa saakay magaalada ka dhacay isku dhac ciidan oo u dhexeeyey ilaalada hotel Agan iyo ciidan ilaalo u ahaa musharrax senator Ilyaas Gaboose oo hore u sheegay inuu yahay musharrax madaxweyne laakiin uu diidanyahay habka ay u socoto doorashada Jubaland. Isku dhaca ciidan ayaa la sheegay inuusan saamayn ku yeelan hab sami u socodka doorashada Jubaland.
