Xaaladda siyaasadeed ee Puntland ayaa weli cakiran, waxaana dhaqaaqyo xoogleh laga dareemayaa magaalada Garoowe ee xarunta gobolka Nugaal.
Xubnaha mucaaradka ee kasoo horjeedo madaxweyne Deni oo intooda badan ku sugayln Garoowe ayaa soo saaray go’aanno culus oo ku aadan doorashada la filayo inay ka dhacdo maamulkaasi.
Musharrax Guuleed ayaa ku baaqay in doorashada lagu hago hannaankeedii hore, isla-markaana la qabto xilligeeda oo ah sideeda 8 Janaayo ee sanadka soo socda ee 2024.
Dhankiisa Maxamuud Xayir Ibraahim oo kamid ah mucaaradka Puntland ayaa farriin u diray Isimada Dhaqanka wuxuuna ka dalbaday inay farageliyaan xiisadda ka taagan Garoowe.
Puntland ayaa haatan wajaheysa xaalad cakiran, lamana oga sida ay wax noqon doonaan, maadaama uu sii xoogeysanayo dagaalka siyaasadeed ee Deni iyo xubnaha mucaaradka.
