Maleeshiyaad hubeysan ayaa Saddex Ruux oo Shacab ah waxaa ay kudileen degaano hoostaga Degmada Cadalle Ee Gobalka Shabeellaha Dhexe.
Dilka ayaa sigaar ah waxaa uu uga dhacay inta u dhaxaysa degaannada laba garas iyo Ceel muluq oo u dhaw Deegaanka Xaaji Cali Ee Gobalka Shabeellaha dhaxe.
Wararka aan helnay ayaa sheegaya in Dadka Shacabka ah ee la dilay ay ahaayeen Ganacsato, isla markaana dilkooda uu salka ku haayo arrimo la xiriira aanooyin qabiil, iyada oo maleeshiyaadkii dilka geystay ay Goobta ka baxsadeen.
Maamulka iyo laamaha Amniga degmada Cadalle weli kama hadlin dilkaas, wuxuuna kusoo aadayaa xilli ay weli fidsan tahay gogosha lagu heshiisiinayo beelihii ku dagaalamay degaannada hoostaga degmada Cadalle ee Gobolka Shabeellaha Dhexe.
