Waxaa Maanta degaanka Yasooman ee gobolka hiiraan gaaray gaadiid dagaal iyo Ciidamo aad u farabadan, kuwaas oo ka yimid dhinaca degmada guriceel ee gobolka Galgaduud si ay u caawiyaan ciidamada dowladda iyo kuwa xoreynta gobolka Hiiraan ee halkaas ku sugan.
Shalay degaanka Yasooman ee gobolka Hiiraan waxaa ka dhacay dagaal saacado badan qaatay oo u dhaxeeyay Ciidamada dowladda & dadka degaanka oo dhinac ah & Al-Shabaab, kadib markii weerar qaraxyo ku bilaawday ay degaankaas ku qaadeen Ururka Al-Shabaab.
Ciidamada Maanta tegay degaanka Yasooman ee Gobolka Hiiraan ayaa waxaa halkaasi kusoo dhaweeyay Xildhibaano katirsan golaha Shacabka, Guddoomiyaha gobolka hiiraan & Saraakiisha ciidamada xoogga dalka eek u sugan degaankas.
Waa gurmadkii ugu horreeyay ee Gobolka Galgaduud uga yimaada Gobolka hiiraan marka laga reebo Ciidamada qeybta 21aad o mararka qaar ka qeyb geli jiray dagaalada ka socda Gobolka hiiraan, waxaana ay Ciidamadaan si toos ah ugu biiraan howlgallada ka dhanka ah urur aAl-Shabaab.
