Wararka ka imaanaya Magaala Madaxda Gobolka Shabeellaha Hoose ee Marka, waxaa ay sheegayaan inay ka dhaceen dilal kale duwan oo loo geystay Askar ka tirsan Ciidanka Nabad Sugida (NISA) ee ka howlgala Magaaladaas.
Labada askari ayaa lagu kala dilay Magaalada Marka gudaheeda, waxaana dilkooda la sheegay in salka uu ku hayo aanooyin qabiil kuwaas oo ka jira Magaalada Marka ee Gobolka Shabeellaha Hoose, kuwaas oo maalmihii la soo dhaafay halkaas ka taagnaa.
Wararkii ugu dambeeyay ee aan ka heleeno Magaalada Marko ayaa sheegaya in laga dareemayo xiisad dagaal oo u dhaxeeysa labada maleeshiyo Beeleed, kuwaas oo dhowr jeer dad iska dilay.
Sidoo kale, waxaa xiran guud ahaan saaka xiran goobaha Ganacsiga magaada Marka, kadib dilalka ka dhacay awgeed sida dad goob joogayaal ah ay xaqiijiyeen.
Laamaha ammaanka Gobolka iyo maamulka magaalada Marko wax war ah kama aysan soo saarin dilalka loo geystay askarta ka tirsan Ciidanka NISA, kuwaas oo salka ku hayo aanooyin qabiil oo muddo badan ka taagnaa.
