Maxkamada darajada kowaad ee ciidamada qalabka sida qeybta 27aad ayaa u fariisatey dhagaysiga dacwad loo haysto eedeysane Marshaale Cabdule Xuseen oo magaalada baardheere ku diley marxuumad Ceeblo Qorane Daahir dhaawacna u geystey Siciid Ismaaciil
Eedaysanaha oo ka tirsan ciidamada qalabka side kuwooda ka howlgala Magaalada Baardheere ayaa waxaa dhagaysiga maxkamada ka qeyb galey saraakiisha, saraakiil xigeenada Ciidamada Dowladda Maamulka Degmada ehelada marxuumada dhimatey iyo midka dhaawaca ah
Sidoo kale Maxkmada ayaa la horkeeney rag ku eedaysan in ay ka mid yihiin ururka Al-Shabaab, kuwaasi oo danbi kala duwan lagu soo qabtey
Maxkamada Ciidamada qalabka sida oo fulinaysa waajibaadkii loo aas aasay ayaa qaar ka mid ah Degmooyinka Gobolka Gedo waxay ka wadaa maxkamadeyta ciidamada danbiyada kala duwan gala sida askarigii dila askari kale islamarkaana lagu helo dambigaasi in ay xukunto kuwa bulshada rayidka dil u geysta ama lagu helo danbiyo kale in la maxkamadeeyo ayaa lagu yiri” War kasoo baxay Maxkamadda.
Maxkamadda Ciidamada Qalabka sida qeybta 27aad ayaa dhowr jeer waxaa ay xukuno kala duwan oo isugu jira dil iyo xarig ku riday askar katirsan Ciidamada dowladda Soomaaliya ee ku sugan Gobolka Gedo.
