Magaalada Garoowe ee Caasimadda Puntland waxaa Maanta dibadbax ka dhan ah Maamulka Puntland ka dhigay qaar kamid ah wadayaasha Mooto Bajaajta ee ka howlgalla Magaaladaasi Garoowe.
Wadayaasha Bajaajta ayaa ka cabanaya wadada Halbowlaha ee Magaalada Garoowe ee laga mamnuucay, waxaana ay socod ku mareen wadsooyinka waaweyn ee Magaalada Garoowe.
Qaar kamid ah Darawalada Mooto Bajaajta oo la hadlay Warbaahinta ayaa ku dhawaaqay Shaqa joojin Saddex Cisho ah maadaama ay Xukuumadda Puntland ka xirtay wadada halbowlaha ah oo ay ku Shaqeysan jireen.
Waxaa ay sheegeen in xeritaanka wadada halbowlaha ah ee Garoowe ay dhibaato ku qabaan Shacabka, oo wadadaas ku lugeeya, waxaana ay dalbadeen in deg deg loogu furo wadada.
Banaanbaxa ay Maanta Magaalada Garoowe ka dhigeen qaar kamid ah darawalada Mooto Bajaajta ayaa saameyn ku yeeshay isku socodka dadka iyo Ganacsiga Magaalada Garoowe.
