guddiga Doorashada Dowlad Goboleedka Galmudug oo qabtay Doorashada labo kursi oo kamid ah Gollaha shacabka ayaa shaciyay natiijadda kuraasta tirsigoodu yahay HOP#081 iyo Hop#025.
Ugu horeeyntii Guddiga oo qabtay Doorashada kursiga tirsigiisu yahay Hop#025 ayaa sheegay in uu kusoo baxay Gudoomiyaha Degmada Deeyniile Maxamed Abuukar Jacfar, kaas oo helay 100 Cod kadib markii uu tanaasulay musharaxii kale ee la tartamayay oo ahaa Xasan Cali Cismaan.
Sidoo kale Guddiga Doorashooyinka Dowlad Goboleedka Galmudug ayaa shaciyay Natiijada Hordhaca ah ee kursiga Sumadiisu tahay HOP#081.
Guddiga ayaa sheegay in ay ku guuleeysteen HOP#081 Cadar Cali Maxamed ( Shalaqbeen ) kadib markii musharixii la tartameeysay oo aheeyd Nasro Maxamed Dalabeey ay ka tanaasushay tartanka.
Guddiga oo kol hore shaaciyay Qabashada labadani kursi ayaa soo gabagabeeyay Doorashada, Waxaana ay ugu danbeeyntii shaaciyeen In Maxamed Abuukar Jacfar uu ku guuleystay kursiga Sumadiisu tahay Hop#025 halka iyana ay ku guuleystay Cadar Cali Maxamed Kursiga Tirsigiisu yahay Hop#081.
