“Waxaan mar kale xaqiijineynaa ixtiraamka buuxa ee aan u heyno madax banaanida iyo wadajirka dhuleed ee Jamhuuriyadda Federaalka Soomaaliya,” ayay raacisay.
Ingiriiska ayaa ku boorisay dhinacyada ku lugta leh xiisada gobolka inay is-xakameeyaan oo si nabad ah arrimaha lagu xalliyo.
Soomaaliya ayaa heshiiska dhexmaray Itoobiya iyo Somaliland ku tilmaantay mid gardaro ah oo ay ku kacday Itoobiya, isla markaana xad gudub ku ah madax-banaanideeda.
Dowladda Soomaaliya waxay ka codsatay Qaramada Midoobay iyo Midowga Afrika kulamo deg deg ah.
Isniintii, Ra’iisul Wasaaraha Itoobiya Abiy Axmed iyo Madaxweynaha Somaliland, Muuse Biixi Cabdi, ayaa magaalada Addis Ababa ee xarunta dalka Itoobiya ku kala saxiixday heshiis is-afgarad ah oo ku saabsan in Itoobiya ay marin u hesho badda cas.
