Dowladda oo Maxkamad Ciidan ka hirgelineysa dowlad Goboleedyada

8

Wasiiirka Wasaaradda Gaashaandhigga Xukuumadda Fedaraalka Soomaaliya Xasan Xuseen Xaaji ayaa kormeeray Xarumaha  iyo Xafiisyada ay ku shaqeeyaan Laamaha Garsoorka Dalka, isagoo Kulan la qaatay , Guddomiyaha Maxkamada Sare Ee Ciidamada Qalabka Sida Gaashaanle Sare Maxamuud Axmed (Dalab ) , Guddoomiyaha Maxkamada darajada Koobaad Ee Ciidamada Qalabka Sida Ee Korneel Xasan Cali Nuur Shuute , Xeer ilaalinta Ciidamada Qalabka Sida  , sidoo kale waxa uu kormeeray Xafiisyada ay ku shaqeeyaan.

Xasan Xuseen Xaaji ayaa u jeedka kormeerkiisa la xariirtay u kuurgelidda hanaanka Shaqo iyo howlaha Baaxadda leh ee ay qaranka u hayaan.

Wasiirka Wasaaradda Gaashaandhigga ayaa sidoo kale tilmaamay in kulamada uu la qaatay Masuliyiintan uu ku qotomo Sidii Maxkamadda Ciidamada looga Hergalin lahaa guud ahaan Maamul gobaleedyada Dalka , isagoo balan-qaaday in Wasaaradda Gaashaandhigga ay ka qeybqaadaneyso Sare u qaadidda aqoonta Saraakiisha ka howlgala Maxmadaha iyo Garsoorka Ciidamada Qalabka Sida .