Madaxweynaha Soomaaliya Mudane Xasan Sheekh Maxamuud oo maanta ka hadlayey kulan ka dhacay Muqdisho ayaa hoosta ka xariiqay in ay jiraan siyaasiyiin fadhiid ah oo doonaya, sida uu hadalka u dhigay in dalka meesha uu hada joogo lagu siihayo taas oo uu Madaxweynuhu u gala jeedo in ay mucaaradku diidan yihiin doorashada qof iyo codka ah.
Madaxweynaha ayaa sheegay in dadka qaar isbedelka iyo nabada ay ka cabsadaan, iyagoo umalaynaya buu yiri wax iyaga dhib ku ah oo loogu darnaanayo.
Hadalka Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kusoo beegmaya xili ay Shalay Shir jiraa’id oo ay wada qabteen Madaxweynihii Hore ee Soomaaliya Sheekh Shariif Sheekh Axmed iyo Siyaasi Cabdiraxmaan Cabdi Shakuur Warsame, ay si adag uga hadleen qorshaha DFS ee doorashada Qof iyo Cod, taas oo ay ku sifeeyeen hadaan laga heshiin mid horseedi doonta khilaaf iyo khalkhal amni.
