Ra’iisul Wasaaraha Xukuumadda Federaalka Soomaaliya ee xilgaarsiinta Maxamed Xuseen Rooble ayaa Maanta oo khamiis ah kulan la qaatay Wakiilka Midowga Afrika ee Soomaaliya Danjire Fransisco Madiera.
Kulanka ayaa waxaa looga hadlay inta uu socday kaalinta AMISOM ee amniga doorashooyinka iyo guud ahaan dalka, ka dib falalkii argagixiso ee shalay ka kala dhacay Magaalooyinka Muqdisho iyo Baladweyne.
Ra’iisul Wasaaraha Xukuumadda xilgaarsiinta Maxamed Xuseen Rooble iyo Wakiilka Midowga Afrika ee Soomaaliya Danjire Fransisco Madiera ayaa isla gartay dardar-gelinta kaalinta AMISOM ee sugida amniga dalka.
Kulankaan ayaa waxaa uu kusoo aaday, iyada oo shalay Al-shabaab weerar ku qaadeen Garoonka diyaaradaha Aadan Cadde ee Magaalada Muqdisho, isla markaana uu weerarkaas ka dhashay khasaaro isugu jira dhimasho iyo dhaawac, waxaana Shabaabka ay sheegeen inay ku dileen weerarka dad isugu jiray Cadaan iyo Afrikaan.
