Shirka Golaha Wasiirada Soomaaliya ayaa maanta lagu wadaa in shir aan caadi aheyn ay ku yeesheen Magaalada Muqdisho.
Shirka ayaa waxaa looga hadli doonaa tallaabadii ciidamada lagu geeyay magaalada Beladweyne iyo ku milinka siyaasadda ee talisyada Milateriga Soomaaliya.
Ilo wareedyo ayaa KNN u sheegay in golaha wasiirada Soomaaliya ay go’aan ka soo saari doonaan xiisada ka taagan magaalada Beledweyne.
R/Wasaare Rooble ayaa xalay qaar kamid ah siyaasiinta ka soo jeeda gobolka Hiiraan iyo wasiirka arrimaha gudaha u sheegay in uusan waxba kala socon go’aankii ciidamada lagu geeyay magaalada Beledweyne ee gobolka Hiiraan.
Ciidamo ka tirsan dowladda soomaaliya ayaa shalay la geeyay magaalada Beledweyne, iyadoona weli xaalad kacsanaan ah ay ka jirto magaaladaasi, maadaama magaalada ay joogaan maleeshiyaad diidan dhismaha maamulka Hirshabelle.
