General Abuukar Xaaji Warsame (Xuud) ayaa maanta soo gaaray Magaalada Muqdisho, Waxaana Safarkiisa qeyb ka ah Taliyaha Ciidanka lugta ee milatariga Soomaaliya General Maxamed Tahliil Biixi.
Gen Xuud ayaa waxaa lagu wadaa inuu kulan gaar ah la qaato madaxweyne Farmaajo.
Kulanka ayaa waxaa looga arrinsan doonaa xal u helida tabashada ka dhalatay dhismaha maamulka Hirshabelle, kaasi oo ay qabaan shacabka ka soo jeeda Hiiraan.
Maalmihii ugu dambeeyay ayay aheyd markii Taliyaha ciidamada lugta uu Beledweyne ka waday kulamo xal raadin ah, si magaaladaasi loogu qabto doorashada Golaha Shacabka ee Soomaaliya.
