Dowladda Uganda ayaa si rasmi ah ugu biirtay tartanka loogu jiro xilka Xoghayaha Guud ee Qaramada Midoobay, kaddib markii ay u sharraxday diblomaasiga rug-caddaaga ah Danjire Olara Otunnu, oo hore u soo noqday Ku-Xigeenka Xoghayaha Guud ee Qaramada Midoobay. Magacaabistan ayaa ka dhigaysa Otunnu musharraxii toddobaad ee si rasmi ah ugu tartama xilkan.
Tallaabadan ayaa sare u qaadaysa loolanka ka dhex socda musharraxiinta, iyadoo Soomaaliya ay sidoo kale leedahay musharrax u taagan qabashada xilkan.
Doorashada Xoghayaha Guud ayaa lagu saleeyaa taageerada dalalka xubnaha ka ah Qaramada Midoobay, halka Golaha Ammaanka uu soo xulo musharraxa ugu dambeeya, taasoo ka dhigaysa in waddan kasta iyo codkiisu yeeshaan miisaan siyaasadeed inta lagu jiro ololaha.
Waxaa sii xoogeysanaya dadaallada ay musharraxiintu ku raadinayaan taageerada dalalka Afrika, oo ay Soomaaliya ka mid tahay.
