Maamulka degmada Baardheere ayaa soo saarey Qeylo dhaan ku aadan Abaarta ka taagan deegaanka ay sii kordheyso miyi iyo Magaalaba, Roobabkii Deyrta ee la filayey in ay da,aan Bilaha October iyo November ee Sanadkan 2025,oo dib uu ku yimid ayaa sababay inay adkaato nolosha Boqolaal Qoys oo noloshoodu ay tiirsaneyd Wax soosaarka Beeraha iyo Xoolaha,
todobaadkii la soo dhaafey oo keliya Xeryo Barakac ee ku yaala duleedka Baardheere ku biirey in ka badan ilaa 400 oo Qoys,kuwaasi oo Abaarta kaga soo cararay deegaano ka kala tirsan Gobolada Bay iyo J.dhexe,Qoysaskan ayaa isugu jira haween,Caruur iyo dad waayeelo ah ayaa wajahaya daruufo nolol xumo ,hadaba waa kuwan Qaar ka mid ah Qoysaskaasi oo ka hadlaya dhibaatooyinka ay qabaan.
G/ku xigeenka Maamulka degmada Baardheere-Faarax C/Nuur Turbac oo ka mid ahaa Mas’uuliyiinta Maamulka degmada Baardheere ee Booqdey Xeryaha Barakacayaasha Xaabaal cadey iyo Iftiin oo iminka ay ku jiraan Boqolaal Qoys oo hor leh ayaa sheegay in Baah weyn loo Qabo sidii Qoysaskaasi loogu gurman lahaa,maadama deegaanadii ay ku noolaayeen ay uga soo carareen Abaarta.
Gudoomiyaha degmada Baardheere- Ismaaciil Sh Cabdi Qorax(Koofi) ayaa ugu Baaqey DF ee Soomaaliya iyo Hay’adaha Samafalka inay u gurmadaan dadka ku Barakacay Abaarta ee degan Xeryaha Barakacayaasha ee ku yaala Duleedka degmada Baardheere
