Dowladda Liibiya oo Badbaadisay 60 Muhaajiriin oo Magafayaal Haysteen

4

Dowladda Liibiyta ayaa shaaca ka qaaday inay soo badbaadisay 60 muhaajiriin ah oo muddo sanado badan gacanta ugu jiray magafayaal qabsaday, xilli ay kusii jeedeen Liibiya si ay uga sii gudbaan Talyaaniga.

Muhaajiriintan ayaa ka soo tallaabay qaar ka mid ah wadamada Afrika, iyagoo raadinayay nolol ka wanaagsan tan colaadaha iyo faqriga hareeyay dalkoodii hooyo, si ay ugu gaaraan Yurub.

Inkastoo aan weli la shaacin wadamada ay asal ahaan ka soo jeedaan muhaajiriintan la badbaadiyay, haddana waxaa jira dhalinyaro Soomaali ah oo sanado badan ka maqan safarrada tahriibka, iyadoo aan la ogeyn meesha ay ku sugan yihiin, taasoo qoysaskooda ka dhigtay kuwo rajo beelay kadib markii ay waayeen cid ay ka helaan warar ku saabsan xaaladooda.

Dowladda Liibiyta ayaa wadda dadaallo lagu badbaadinayo muhaajiriinta ku dhibaataysan gudaha dalka, iyagoo sidoo kale la dagaallamaya kooxaha magafayaasha ee ka faa’iideysta dadka tahriibayaasha ah.