Wararka Guddiga Doorashada guddoonka Baarlamaanka maamulka Waqooyi Bari oo maanta la magacaabay

By
admin
-
2

Guddoomiyaha Kumeel-gaadhka ah ee Golaha Wakiillada  Maxamuud Salaad Warsame ayaa shir-guddoomiyay fadhiga 1-aad ee ee kal-fadhiga 1-aad ee Golaha Wakiillada Dawladda Waqooyi Bari.

Ajendaha fadhiga maanta oo ahaa Magcaabista Guddiga Doorashada Guddoonka Golaha Wakiillada Dawalad Goboleedka Waqooy Bari Soomaaliya.

Fadhiga maanta waxaa soo xaadiray (77) xubnood.
Ugu horayn, guddoomiyaha Golaha Wakiillada ayaa magacaabay xubnaha Golaha Wakiillada waxa uuna u magacaabay:

Xil: Axmed Cabdi Cali (Guddoomiye)
Xil: Cabdi Ismaaciil Axmed Barkuud (Guddoomiye ku-xigeen)
Xil: Cabdikariin Cali Ismaaciil (Xoghaye)
Xil: Siciid Dalmar Faarax ( Xubin)
Xil: Maxamed Maxamuud Cali ( Xubin)
Xil: Guuleed Maxamed Nuux ( Xubin)
Xil: Axmed Cali Xuseen ( Xubin)

Guddoomiyahana ayaana faray guddiga in ay sida ugu wanaagsan uguna deg-dega badan uga shaqeeyaan hawlaha doorashada Guddoonka Golaha Wakiillada Waqooyi Bari Soomaaliya.

Sidoo kale fadhiga maanta ee Golaha Wakiillada waxaa khudbad hambalyo iyo bogaadin shaqo u jeediyay Wasiir Wasaaradda Arrimaha Gudaha Dawladda FS Mudane Cali Yuusuf Cali Xoosh, waxa uuna Golaha kula dardaarmay in ay u shaqeeyaan sida ugu wanaagsan.

Ugu dambayn, waxaa fadhiga maanta soo xidhay Guddoomiyaha Kumeel-gaadhka ah ee Golaha Wakiillada Waqooyi Bari Soomaaliya.

RELATED ARTICLESMORE FROM AUTHOR