Warkan ayaa lagu shaaciyay Talaadadii xuska 65-guurada Madaxbannaanida Soomaaliya oo lagu qabtay dalka Tansaaniya, halkaas oo sidoo kale si rasmi ah dib loogu furay safaaradda Soomaaliya ee Dar es Salaam oo dayactir lagu sameeyay.
Wasiirka Arrimaha Dibadda iyo Iskaashiga Bariga Afrika ee Tansaaniya, Mahmoud Thabit Kombo, ayaa xaqiijiyay in labada dowladood ay ku heshiiyeen in la cusbooneysiiyo heshiiska adeegga duulista hawada ee labada dhinac.
Qorshuhu waa in la bilaabo duulimaadyo toos ah oo meesha ka saaraya baahida loo qabo in diyaaraduhu kusii hakadaan Nairobi ama Addis Ababa.
Wasiir Kombo wuxuu sidoo kale sheegay in heshiiskan cusub ee duulista hawada uu qayb ka yahay dadaallo ballaaran oo lagu horumarinayo iskaashiga dhinacyo badan leh sida ganacsiga, waxbarashada, amniga, iyo dalxiiska.
Xafladda waxaa ka qaybgalay wafdi sare oo ka socday dowladda Soomaaliya oo uu hoggaaminayay Wasiirka Arrimaha Dibadda, Abdisalam Abdi Ali, waxaana qayb ka ahaa lix wasiir iyo lix xildhibaan oo ka tirsan baarlamaanka.
Wasiir Cabdisalaan wuxuu soo dhoweeyay dib u furista safaaradda, wuxuuna ku tilmaamay inay tahay calaamad muujinaysa dib u hawlgalka Soomaaliya ee heer caalami ah.
