Waxaa maanta si rasmi ah dib ugu furmaya kulanka Golaha Shacabka ee Baarlamaanka Federaalka Soomaaliya, kaddib hakad kooban oo uu galay kalfadhiga.
Sida ku cad farriin rasmi ah oo loo diray Xildhibaanada, kulanka maanta ayaa lagu qabanayaa xarunta Villa Hargeysa, iyadoo ajendaha ugu weyn uu yahay
Akhrinta 2aad iyo codeynta Axdiga Afrika ee Xuquuqda iyo Baraaraha Caruurta.
Kulanka ayaa kusoo aadaya xilli dalka uu wajahayo xaalado siyaasadeed oo xasaasi ah, oo ay ka mid yihiin:
Muranka ka taagan hannaanka doorashooyinka dalka
Doodaha ku saabsan wax ka beddelka Dastuurka KMG ah
Khilaafka siyaasadeed ee u dhexeeya dowladda dhexe iyo qaar kamid ah madaxda dowlad goboleedyada
Golaha Shacabka ayaa lagu wadaa in uu sii wado kulamadiisa toddobaadkan, iyadoo laga sugayo go’aano miisaan leh oo saameyn ku leh mustaqbalka siyaasadeed ee dalka, iyadoo la filayo in maalmaha soo socda si adag looga doodi doono qodobbada muranka dhaliyay ee dastuurka iyo doorashooyinka.
