Muuqaalka la baahiyay ayaa muujinaya duqeynta oo si toos ah loo bartilmaameedsaday xubno ka tirsan kooxaha Daacish, iyadoo aan la bixin faahfaahin intaas dheer sida goobta la beegsaday, diyaaradaha la adeegsaday iwm. Mareykanka ayaa maalmihii la soo dhaafay duqeymo ka fulinayay Buuraleyda Cali-miskaad ee Gobolka Bari, halkaasi oo ay ku sugan yihiin maleeshiyaadka Daacish, waxaa ayna Mareykankan duqeyntan kala shaqeeyaan dowladda Federaalka Soomaalia 15-kii bishan ciidamada Puntland ayaa dilay xubin Sare oo Daacish, kaasoo magaciisa lagu sheegay Axmed Muuse Sacid, sidaas oo kale labo howgal oo dhacay ayaa qiimeyntooda khasaaraha aan wali la shaacin, kuwaas oo la aaminsan yahay in xubno sare oo Daacish ah lagu dilay. Howlgallada Mareykanka ayaa iskugu jira duqeymo cirka ah iyo taageero istiraatiiji ah oo la siiyo ciidamada dowladda Soomaaliya iyo kuwa Puntland. Shaacinta muuqaalka weerarka ayaa muujineysa farriin cad oo Mareykanka u dirayo kooxaha argagixisada, iyadoo Mareykanku uu sare u qaadayo dadaalladiisa lagu sugayo xasilloonida gobolka Geeska Afrika. Weerarkan cusub ayaa imanaya xilli dagaallo xooggan ay ka socdaan qeybo ka mid ah Soomaaliya, gaar ahaan Puntland iyo Hirshabelle, halkaas oo ciidamada dowladda federaalka, kuwa maamul goboleedyada iyo saaxiibada caalamiga ah ay ku wadaan howlgal ka dhan ah maleeshiyaadka Al-shabaab iyo Daacish.

By
admin
-
8

Madaxweynaha Somaliland Cabdiraxmaan Maxamed Cabdilaahi (Cirro) ayaa maanta socdaal 3 cisho ah ugu bilowday dalka Jamhuuriyadda Djibouti, kadib markii uu martiqaad ka helay Madaxweynaha Jabuuti Ismaaciil Cumar Geelle.

Jabuuti ayaa noqoneysa dalkii labaad ee Madaxweyne Cirro uu booqo, kadib socdaalkiisii ugu horeeyay oo uu ku tegay dalka Imaaraadka Carabta bishii Janaayo.

Labada Madaxweyne ayaa ka wada hadli doona danaha u dhexeeya labada dal ee Jamhuuriyadda Somaliland iyo Jamhuuriyadda Jabuuti,” ayaa lagu yidhi qoraal kooban oo ay Madaxtooyadu kaga hadashay safarka Madaxweynaha.

Safarkan ayaa imanaya xilli uu xumaaday xidhiidhka Somaliland iyo Jabuuti sannadihii u dambeeyay, kadib markii Jabuuti ay khatar dhaqaale u aragtay isla markaana ay dagaal ka gashay heshiiskii badda ee Somaliland iyo Itoobiya.

Xukuumaddii hore ee Madaxweyne Biixi oo heshiiska la gashay Itoobiya, ayaa Jabuuti ku eedaysay in ay jabisay heshiiskii jaar-wanaagga, isla markaana ay dalkeeda ku martiqaadday xubno ka socda dhaqdhaqaaqa Awdal State iyo maamulka SSC-Khaatumo, iyadoo Jabuuti ay eedahaasi iska difaacday.

Xukuumadda cusub ee Madaxweyne Cirro ayaa sheegtay in ay dib u soo celinayso xidhiidhkii labada dhinac, iyadoo la filayo in dhinacyadu gaadhaan heshiisyo lagu xoojinayo wadashaqeynta labada dhinac.

RELATED ARTICLESMORE FROM AUTHOR