Bogagga Aqalka Cad ee Mareykanka ku leeyahay Baraha bulshada ayaa lagu baahiyay muuqaal muujinaya duqeyn milatari oo ay shalay fuliyeen ciidamada Mareykanka oo ka dhacay Soomaaliya.
Muuqaal-ga kooban ee Aqalka Cad ayaa lagu sheegay in weerarkaas uu ka dhacay gudaha Soomaaliya, laguna dilay 10 dagaalame oo ka tirsanaa kooxda Daacish. Iyadoo tirada aragagixsada la dilay ka dhigeysa 100.
Muuqaalka la baahiyay ayaa muujinaya duqeynta oo si toos ah loo bartilmaameedsaday xubno ka tirsan kooxaha Daacish, iyadoo aan la bixin faahfaahin intaas dheer sida goobta la beegsaday, diyaaradaha la adeegsaday iwm.
Mareykanka ayaa maalmihii la soo dhaafay duqeymo ka fulinayay Buuraleyda Cali-miskaad ee Gobolka Bari, halkaasi oo ay ku sugan yihiin maleeshiyaadka Daacish, waxaa ayna Mareykankan duqeyntan kala shaqeeyaan dowladda Federaalka Soomaalia
15-kii bishan ciidamada Puntland ayaa dilay xubin Sare oo Daacish, kaasoo magaciisa lagu sheegay Axmed Muuse Sacid, sidaas oo kale labo howgal oo dhacay ayaa qiimeyntooda khasaaraha aan wali la shaacin, kuwaas oo la aaminsan yahay in xubno sare oo Daacish ah lagu dilay.
Shaacinta muuqaalka weerarka ayaa muujineysa farriin cad oo Mareykanka u dirayo kooxaha argagixisada, iyadoo Mareykanku uu sare u qaadayo dadaalladiisa lagu sugayo xasilloonida gobolka Geeska Afrika.
Weerarkan cusub ayaa imanaya xilli dagaallo xooggan ay ka socdaan qeybo ka mid ah Soomaaliya, gaar ahaan Puntland iyo Hirshabelle, halkaas oo ciidamada dowladda federaalka, kuwa maamul goboleedyada iyo saaxiibada caalamiga ah ay ku wadaan howlgal ka dhan ah maleeshiyaadka Al-shabaab iyo Daacish.
