Ugu yaraan lix qof oo isku qoys ahaa ayaa lagu dilay weerar ka dhacay hoygooda oo ku yaalla magaalada Mandheera ee gobolka Waqooyi Barri Kenya.
Weerarka, oo la rumeysan yahay inuu salka ku hayo aano qabiil, ayaa daba socday colaado soo noqnoqday oo dhawaanahan ka taagnaa dhulka miyiga ah ee gobolka.
Cabdulaahi Macalin Xasan, oo ah walaalka ninka qoyskiisa la laayay, ayaa sheegay in weerarku uu dhacay saqdii dhexe iyadoo koox hubeysan ay si ula kac ah u beegsadeen guriga dadka la dilay. “Waxay u muuqataa in si gaar ah loo bartilmaameedsaday, waayo dadka deriska ah lama taaban,” ayuu yiri Cabdulaahi isagoo la hadlayay warbaahinta.
Dadka deegaanka ayaa sheegay in colaadan muddo ay ka taagneed deegaano hoostaga magaalada Mandheere ee Gobolka Waqooyi Barri Kenya.
Mas’uuliyiinta gobolka Mandheera ayaan weli si rasmi ah uga hadlin weerarka, hase yeeshee ilo amni ayaa sheegay in baaritaan la billaabay, iyadoo lagu raad joogo dadkii ka dambeeyay falkan foosha xun.
Weerarkan ayaa abuuray cabsi xooggan, iyadoona laga cabsi qabo in colaada ay ku faafto deegaanada kale ee hoostaga magaalada Mandheere ee Gobolka Waqooyi Barri
