Warsaxaafadeed kasoo baxay SSC Khaatumo, ayaa lagu sheegay in dagaalka dhacay uu sababay dhimasho dad shacab ah, iyo dhac loo gaystay hantida dadweynaha qaarkood, falkaas oo aan ahayn kii ugu horreeyey balse ay Somaliland muddo badan handaad ku haysay qaybo kamid ah shacabka.
Madaxweynaha Somaliland ee cusub, Cabdiraxmaan Maxamed Cabdillaahi Cirro, ayay warsaxaafadeedku sheegtay in uu xaaladda uga sii daray, uuna go’aansaday in uu xoog ku gaadho xuduudii Ingiriiska. Cirro ayaa dhankiisa sheegay in uu xal diblumaasiyadeed ku joojin doono colaadda.
Dagaal 2 cisho magaalada Ceerigaabo ku dhexmarayay ciidamada Somaliland iyo kuwa SSC Khaatumo, ayaa hadda istaagay, iyada oo ciidamada SSC Khaatumo ay sheegeen in ay magaalada xeelad dagaal uga baxeen, dhinaca kalena warbaahinta Somaliland ayaa sheegaysa in magaalada awood lagaga saaray.
Ilaa hadda si rasmi ah looma sheegin khasaaraha rasmiga ah, lakiin waxa jira dad shacab ah oo dhimasho iyo dhaawac leh, sidoo kale khasaare ayaa soo kala gaadhay labada dhinac.
