Wararka naga soo gaaraya gobolka Galgaduud ayaa sheegaya in maanta dagaal beeleed dhaliyay khasaare xoogan uu ka dhacay deegaanka Xarar-xayle oo hoostaga degmada Ceelbuur ee gobolkaasi.
Dagaalka ayaa u dhexeeyay beelo kasoo kala jeeda Ceelbuur iyo Guriceel, waxayna maanta isku gaysteen khasaare isugu jiro dhimasho iyo dhaawac.
Inta la xaqiijiyay waxaa dagaalkaj ku dhintay ugu yaraan lix qof, halka ay ku dhaawacmeen tiro kale oo intaasi ka badan oo isugu jiro shacab iyo dhinacyada dagaalamay.
Xaaladda ayaa weli kascsan, waxaana weli is hordhiya maleeshiyaadka labada beelood ee ku dagaalamay aagga degmada Ceelbuur ee gobolka Galgaduud.
