Seddex Caruur walaalo ah oo da,doodu ay ka yar tahay 8 sanno jir ayaa ku geeriyootey Dab ka kacay guri ay deganaayeen ee ku yaaley Xaafada kaskey ee degmada Baardheere.
xilliga dabka uu kacayey Guriga oo ka sameysnaa Jiingado ayaa waxaa ka maqnaa Aabaha dhaley Caruurta iyo hooyada ,Dadka deriska la ah Qoyska Carruurta geeriyootay ayaa sheegay in aysan helin gurmadkii loo baahnaa taasi oo keentay in Carruurta ay Guriga ku gubtaan.
Qaar ka mid ah ehelada Caruurta geeriyootey ayaa sheegay in musiibo ay shaley galab ka dhacdey guriga,waxaynna intaasi ay ku dareen Qoyska Caruurta geeriyootey ay yahiin dad danyar ah,waxayna Codsi baaq ah u jeediyey dadka Soomaaliyeed in ay garab istaag u muujiyaan Qoyskan oo aan haysan meel ay ku hoydaan
Ciidamada Booliska degmada Baardheere ayaa markii dambe tegay Guriga uu dabka ka kacay, iyaga oo ku guuleystay inay demiyaan, waxaana sidoo kale ku burburay dhamaan dhismaha guriga iyo dhamaan waxii agab ee yaallay Guriga sida uu sheegay Taliyaha Booliska degmada Baardheere
