Ciidamada milatariga Somaliland ayaa markale maanta madaafiic xoogan ku garaacay gudaha magaalada Laascaanood ee xarunta gobolka Sool, waxaana dhankooda jawaab ka bixiyay ciidamada dadka deegaanka ee ku sugan halkaasi.
Wararka ayaa sheegaya in dagaal kooban uu dhex-maray labada dhinac, kaas oo la’isku adeegsaday hubka noocyadiisa kala duwan.
Ma cadda khasaaraha rasmiga ah ee ka dhashay madaafiicda iyo dagaalk xigay, balse xaaladda ayaa haatan mid deggan.
Arrimaha lagala hadlayo madaxweyne Biixi ayaa waxaa ka mid ah sidii uu ciidamadiisa ugala bixi lahaa magaaladaasi, si marka hore loo dhaqan-geliyo xabad joojinta, kadib loo wadahadlo, waxaa sidaas ku warramay ilo wareedyo xilkas ah.
Lam shaacin xilliga uu madaxweynaha Somaliland tegayo caasimadda Addis Ababa, balse waxaa haatan Itoobiya ku sugan madaxda mucaaradka ee maamulka Hargeysa oo iyaguna la casuumay, kuwaas oo dhankooda doorashada kula dagaalamayo madaxweyne Biixi.
