Laba qarax oo culus iyo rasaas xigtay ayaa goordhow laga maqlay agagaarka isgoyska Zoobe ee magaalada Muqdisho ee caasimadda Soomaaliya, sida ay sheegaan wararka soo gaaraya Caasimada Online.
Warar hordhac ah oo ay heshay Warbaahinta ayaa sheegaya in kooxda Al-Shabaab ay weerar qarax ku billowday ku qaadday Xarunta Wasaaradda Waxbarashada oo ku taalla aagga Laami Yaraha Zoobe, waxaana gudaha u galay dabley hubeysan oo ka tirsan kooxdan.
Waxaa markii koowaad la maqlay hal qarax, haddana daqiiqado kooban kadib waxaa xigay qarax kale oo xooggan oo isla goobta ka dhacay, kaasoo lagu sheegay inuu ahaa qarax ku xirnaa gaariga ay ka dageyn dableyda weerarka soo qaaday.
