Ciidamada Booliska Dagmada Caabudwaaq ee Waqooyiga Gobolka Galgaduud ayaa gaaray Banka u dhaxeeya degaannada Bangeele iyo Xinjilab, halkaas oo maanta Shaqaaqo Ku dhexmartay laba maleeshiyo Beeleed.
Ciidamada ayaa la wareegay ammaanka degaanka lagu dagaalamay, waxaana dhinacyadii dagaalamay ay iska dileen tiro dad ah kuwo kalena ay iska dhaawaceen.
Goobjoogayaal ayaa waxaa ay sheegeen in Ciidamada oo wata Gaadiidka dagaalka noocyadooda kala duwan lagu arkayay degaanka lagu dagaalamay, waxaana siaga tegay dhinacyadii dagaalamay.
Dhinaca kale Ciidamada ayaa gacanta ku dhigay Geel farabadan oo dhinacyada dagaalamay ay iska dhaceen, waxaana lagu wareejiyay dadkii lahaa oo ku sugan degaanka Xinjilab oo hoostaga degmada Cadaado ee Gobolka Galgaduud.
Dhowrkii sano ee la soo dhaafay ayaa degaannada Galmudug waxa kusoo batay colaad Beeleedyada, iyada oo Madaxda Galmudug ay ku guul dareysteen waxka qabashada Colaad Beeleedyadaas.
