Xiisad ayaa maanta ka taagan Koofurta magaalada Gaalkacyo ee gobolka Mudug, halkaasi oo uu ku sugan yahay Madaxweynaha Galmudug, Axmed Cabdi Kaariye Qoorqoor oo arrimo ku aadan Doorashada u jooga magaalada.
Wasiirkii hore ee Amniga Galmudug, Axmed Macalin Fiqi ayaa sheegay in Madaxweyne Qoorqoor uu doonayo in uu boobo kuraasta taalla magaalada Gaalkacyo, taasina ay keentay in ay kacaan shacabka.
Mr Fiqi ayaa Qoorqoor ku eedeeyay ‘in uu fara-gelin ku hayo Doorashada Golaha Shacabka, isaga oo Odoyaasha dhaqanka ka dalbaday in ay soo gudbiyaan qeyb kamid ah Ergada, halka inta kalena uu isagu qorayo’.
Hadalka Fiqi weli kama aysan Jawaabin Madaxtooyadda Galmudug.
Wararkii u dambeeyay ayaa soo sheegaya in Ciidamo gadoodsan ay xireen waddooyinka qaar ee magaalada.
