Waxaa ka socota magaalada Kismaayo Doorashada saddex kursi kamid ah Golaha Shacabka, kuwaasi oo deegaan Doorashadooda tahay Maamulka Jubbaland.
Doorashada kursiga ugu horreeya ayaa hadda dhacday, waxaana kurisga HOP-132, kaasi oo uu ku guuleystay Cadar Xareed Jibriil oo helay 98 codadka Ergada, halka Ifraax Cabdiqani Yuusuf oo la tartantay ay tanaasushay.
Labada kursi ee kale ayaa la filayaa in saacadaha soo socda la doorto, kuwaasi oo kala ah HOP-92 oo ay u sharaxan yihiin Saadaq Cabdullaahi Cabdi iyo Cabdullaahi Aadan Cabdi, halka kursiga kale oo tirsigiisu yahay HOP-23 ay u sharaxan yihiin Sahra Cabdi Cilmi iyo Nasro Mahdi Caraale.
