Waxaa maanta la soo gabagabeeyay doorashadii xildhibaannada Golaha Shacabka ee ka socotay magaalada Baraawe oo ah deegaan doorashada labaad ee Dowlad-goboleedka Koofur Galbeed Soomaaliya.
Xubnaha maanta la doortay ayaa waxaa ay kala ahaayeen
Kursiga Koowaad ee Hop#062 oo uu horay ugu fadhiyay Cali Yuusuf Cismaan ayaa waxaa ku guuleystay Aweys Maxamed Cumar oo helay 80 cod halka musharaxii la tartamayey ee Abuukar Maxamud Macalin Cumar uu heley 20-cod, waxana halaabay laba Cod.
Kursiga labaad ee Hop#251 ayaa waxaa horay ugu fadhisay Muno Khaliif Sheekh Abuu ( Munokey) balse waxaa maanta ku guuleysatay walaasheed Nuuralcayn Khaliif Shekh Abuu, iyada oo heshay codad gaaraya 90-cod halka musharaxii la tartamaysay Faaduma Abuukar Shekh ay heshay 8-cod, waxaana halaabay laba Cod.
Kursiga Saddexaad ee Hop#195 oo uu ku fadhiuau Maxamed Nuuraani Bakar ayaa waxaa ku guuleystay Maxamed Xasan Maxamed (Murjaan) isagoo heley codad gaaraya 82-cod halka musharaxii la tartamayey ee Nuur Cali Nuur uu helay 19-cod.
Kursiga Afaraad ee Hop#187 oo uu horay ugu fadhiyay Shariif Sheekhunaa Maye ayaa waxaa ku guuleystay guddoomiyaha Baarlamaanka Koonfur Galbeed Dr Cali Saciid Faqi, isaga oo heley codad gaaraya 80-cod halka musharaxii la tartamayey ee Nuur Cumar aadan uu halay 16-cod.
