:Golaha midowga Musharixiinta Mucaaradka ayaa lagu wadaa in Todobaadka soo socda ay kulan la yeeshaan qeybaha kala duwan ee Bulshada, sida Odoyaasha Dhaqanka, ururada bulshada Rayidka iyo Haweenka.
Musharixiinta ayaa lagu wadaa in ay qeybaha kala duwan ee Bulshada la wadaagaan walaaca ay ka qabaan sida ay ku billaabadatay Doorashada Golaha Shacabka ee Baarlamaanka Soomaaliya, oo xiligan la sheegay inay ku bilaabatay boob iyo musuq maasuq xoog leh.
Midowga mushirixiinta ayaa si weyn u diidan qaabka ay ku socoto Doorashada Golaha Shacabka, ee baarlamaanka Soomaaliya.
Doorashada Soomaaliya ayaa xiligan waxaa hareeyay cabasho laga muujinayaan qaar ka mid ah musharixiinta u tartamaysa kuraasta golaha shacabka ee BFS.
